LAYANG

Nulis surat undangan utawa layang ulem

Ø  Ngerteni jinise layang lan perangane layang

a.    Jinise layang

      Layang biwara (surat kabar, surat laporan)

      Layang iber-iber (surat kiriman)

      Layang dhawuh (surat perintah)

      Layang lelayu (surat kematian)

      Layang kitir (surat singkat / memo)

      Layang ulem (surat undangan)

Tuladha 1

Nambut silaning akrami:

Dra. NIKEN NASTITI
KRT. Tedjaningrat

Kaliyan

Drs. MARYAN UTAMA
Letkol Sumaryan

Akad Nikah:
Kemis Kliwon,
14 Desember 2006
Pukul 09.00 enjing,
ing griya Jl. Madukismo 123
Ngayogyakarta

Ngayogyakarta, 1 Desember 2006

Nuwun wiyosipun,

Kula angantu-antu keparengipun rawuh panjenengan sekaliyan wonten ing wiwahan panggih/dhaupipun anak kula penganten kekalih, mbenjang ing:

Dinten : Kemis Kliwon [malem Jumuah Legi
Tanggal : 14 Desember 2006 [24 Dulkaidah Alip 1939]
Pukul : 19.00 [pitu sonten]
Papan : Pendhapi Budaya Mandhala Jl. Madukismo 75 Ngayogyakarta

Wasana awit keparengipun rawuh lan berkah pangestu, kula matur nuwun sanget. Nuwun.

Salam taklim,
KRT. Tedjaningrat Kekalih

Tuladha 2

PEMERINTAH KABUPATEN KUDUS

KECAMATAN JATI

DESA GETAS PEJATEN

Jalan Getas Pejaten Kudus

 

No.	:	444/318/14.01.9/2011		Kudus, 14 Januari 2011
Lamp.	:	-
Hal	:	Uleman

Dhumateng : Warga Getas Pejaten

Winantu sagunging pakurmatan

Nuwun, kanthi sih kanugrahaning Gusti Allah SWT, kepareng kula nyuwun rawuh panjenengan sekaliyan wonten ing ”Program Penyuluhan dan Pemberantasan Deman Berdarah” ingkang dipunwontenaken dening petugas saking Dinas Kesehatan Kabupaten Kudus benjing,

Dinten                        : Kemis

Surya              : 20 Januari 2011

Tabuh             : 19.00 WIB

Panggenan   : Bale Desa Getas Pejaten

Wasana ndadosaken bombonging manah bilih panjenengan kersa angrawuhi.

Matur nuwun

Kepala Desa Getas Pejaten

Indarto

b.    Perangane layang

      Adangiyah /adawiyah / salam taklim

      Papan lan titi mangsa

      Salam pambuka

      Pambuka layang

      Surasa layang

      Panutup layang

      Peprenah

      Tapak asma

      Asma cetha

      Ndherek ngajeng-ngajeng (wong sing melu ngarep-ngarep rawuhe tamu)

Ø  Nulis layang ulem

Anggone nulis surat undangan iku kudu nggatekake unggah-ungguhe basa. Lumrahe nganggo basa krama. Yen undangan utawa ulem iku kanggo kancane sing wis rumaket utawa sepantaran bisa ngganggo basa ngoko. Nanging becike nganggo basa ngoko alus. Saliyane iku, kudu nggatekake pilihan tembunge. Adangiyah ditrepake karo sapa layang iku katujokake.

SESORAH

Ø  Tuladha Sesorah

Rungokna kanthi premati!

Assalamu’alaikum Wr. Wb.

Nuwun,

Para sesepuh lan aji sepuh sepuh ingkang kinurmatan. Bapak camat ingkang kula urmati, para satriyaning nagari ingkang dados pandam-pandoming kawula dasih ingkang kula urmati, .…

Wonten ing kalodhangan punika, kula lurah Miyono minangkani sesulihipun para sesepuh, para alim ulama, saha para kadang kula sedaya warga dhusun, supados ngaturaken wosing wigati pepanggihan ing dalu punika.

Ingkang sepisan kula badhe ngaturaken bilih upacara sedhekah bumi punika sampun kita wiwiti kanthi reresik griya, pekarangan, makam, saha selametan minangka adat kebiasaan saben taunipun.

Ingkang kaping kalih, upacara sedhekah bumi punika boten ateges kita badhe hura-hura,pesta ing satengahing panalangsa reribet gesang ingkang sansaya awrat..…

Ingkang kaping tiga, upacara sedhekah bumi punika minangka raos syukur kita dhumateng Gusti Ingkang Mahaagung. Inggih awit …

Kaping sekawan, upacara sedhekah bumi ingkang saweg kita lampahi punika sampun ngancik paripurna. Puncaking acara ing dalu punika inggih ngawontenaken pagelaran ringgit wacucal sedalu natas kanthi lampahan Semar Mbangun Kahyangan. Ing pangajab kita saged nuladha pakartinipun Semar minangka pamomong ingkang tansah asung pemut lan pepeling dhateng pamomongipun.

Wasana cekap semanten atur kula, mangga kita dherekaken sesanti Jaya-jaya Wijayanti, Memahayu Hayuning Bawana. Mugi-mugi rahayu ingkang sami pinanggih.

Wassalamu’alaikum Wr. Wb.